Қызылорда қаласының әкімдігі
Сенім телефоны: 26-16-44
Бүгін: 14 қазан 2019 жыл
KZ RU
Нашар көретіндерге арналған нұсқа
Басты бет

Енгізілді: 17.09.2019Қаралғаны: 204 рет
ҚЫЗЫЛОРДАДА АЙМАҚТЫҢ ӨЗЕКТІ МӘСЕЛЕЛЕРІ БОЙЫНША АППАРАТ МӘЖІЛІСІ ӨТТІ

Kyzylorda-news.kz. Бүгін аймақ басшысы Қуанышбек Досмайылұлының қатысуымен облыс әкімдігінің аппараттық мәжілісі өтті. Онда «Рухани Жаңғыру» бағдарламасының жүзеге асырылуы, міндетті әлеуметтік-медициналық сақтандыруды енгізудің дайындық барысы және 2019 жылғы 15 шілдеде Мемлекет басшысының төрағалығымен өткен оперативтік мәселелер бойынша мәжілісте берілген тапсырмалардың орындалуы қаралды.

 2017 жылдың 12 сәуірінде Елбасы, Нұрсұлтан Әбішұлы Назарбаев «Болашаққа бағдар: рухани жаңғыру» атты бағдарламалық мақаласын жариялаған болатын.

«Аталған бағдарлама тарихымызды тану ғана емес құндылықтарымызды қадірлеу арқылы қоғамды, жастарды алдағы кезең талаптарына сай тәрбиелеудің қайнар көзі болып саналады»,- деді өңір басшысы.

Осы бағдарлама аясында облыста атқарылып жатқан мәселелер туралы облыс әкімінің орынбасары Наурызбай Байқадамов баяндады.

«Бағдарламаны жүзеге асыруда тікелей және ұзақ мерзімді нәтижелерге қол жеткізу үшін типтік ережеде мақсаттар, міндеттер және индикаторлар айқындалған, арнайы жобалар белгіленген. Олар – «Қазақ тіліндегі 100 жаңа оқулық», «Туған жер», «Қазақстанның сакралды географиясы», «Жаһандағы заманауи қазақстандық мәдениет», «Қазақстанның 100 жаңа есімі», «Қазақ тілінің латын әліпбиіне көшуі», «Ауыл – ел бесігі». Облыста 6 басты бағыттан, 7 арнайы жобадан тұратын бағдарламаны және «Ұлы даланың жеті қыры» атты жобаны жүзеге асыруды бағыттау, бақылау, сараптау үшін «Рухани жаңғыру» орталығы құрылды, «Жол картасы» жасалып, облыс әкімімен «іс-шаралар жоспары» бекітілді», - деді Н.Байқадамов.

Күн тәртібіндегі келесі мәселелер - міндетті әлеуметтік-медициналық сақтандыруды енгізу бойынша облыстық денсаулық сақтау басқармасының басшысы Жақсылық Абдусаметов, жаңа оқу жылындағы мектептердегі оқу барысы туралы облыстық білім басқармасының басшысы Майра Мелдебекова, егін жинау бойынша облыстық ауыл шаруашылығы басқармасының басшысы Қамбарбек Мүбараков, жылу маусымына дайындық жұмыстары жөнінде облыстық энергетика және тұрғын үй-коммуналдық шаруашылығы басқармасының басшысы Медет Усаин баяндады.

Облыс әкімі аппараттық мәжілістің қорытындысы бойынша жауапты сала басшыларына нақты тапсырмалар жүктеді.

Фотогалерея
Сауалнама
Жастар жылында бірінші кезекте жастардың қандай мәселесі шешілуі керек?

 баспана мәселесі
 жұмыспен қамту
 жас отбасыларға қолдау көрсету

 
Халықтық бақылау
Видеогалерея