Қызылорда қаласының әкімдігі
Сенім телефоны: 26-16-44
Бүгін: 18 тамыз 2019 жыл
KZ RU
Нашар көретіндерге арналған нұсқа
Басты бет

Енгізілді: 31.07.2019Қаралғаны: 166 рет
ДЕПАРТАМЕНТ БАСШЫСЫ ҚОҒАМДЫҚ ҚАБЫЛДАУ ӨТКІЗДІ

 

Бүгін ҚР Мемлекеттік қызмет істері агенттігінің Қызылорда облысы бойынша департаментінің басшысы Абзал Мұхимов пен Қызылорда қаласы әкімінің орынбасары Ерлан Бердібаев мемлекеттік көрсетілетін қызметтер мәселесі бойынша қоғамдық қабылдау өткізді.

Қоғамдық қабылдау қалалық сәулет және қалақұрылысы, құрылыс, жер қатынастары, ауылшаруашылығы және ветеринария, тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімдері орналасқан ғимараттың кіреберіс фойесінде ұйымдастырылып, сала басшылары мен жауапты мамандары да қатысты.

Қоғамдық қабылдау барысында А.Мұхимов пен Е.Бердібаевқа тұрғындар өтініштерін айтып, сұрақтарын қойып, ұсыныс-пікірлерін білдірді.

Қабылдауда 13 азамат болды. Олардың 6-ы жер мәселесіне, 5-і тұрғын үй мәселесіне және 2-і ауылшаруашылығына қатысты өтініштерін білдірді. Бірқатар азаматтарға қабылдау барысында заңға сәйкес түсіндірме берілсе, бірқатарының мәселелері бойынша заңға шешім қабылданатыны жеткізілді.

Фотогалерея
Сауалнама
Жастар жылында бірінші кезекте жастардың қандай мәселесі шешілуі керек?

 баспана мәселесі
 жұмыспен қамту
 жас отбасыларға қолдау көрсету

 
Халықтық бақылау
Видеогалерея