Қызылорда қаласының әкімдігі
Сенім телефоны: 26-16-44
Бүгін: 20 маусым 2019 жыл
KZ RU
Нашар көретіндерге арналған нұсқа
Басты бет

Енгізілді: 29.05.2019Қаралғаны: 158 рет
ҚЫЗЫЛОРДА ОБЛЫСЫ БӘСЕКЕГЕ ҚАБІЛЕТТІ 4 ТАУАР БОЙЫНША ӘЛЕМНІҢ ҮЗДІК 5 ЭКСПОРТТАУШЫСЫ ҚАТАРЫНДА

 

Қызылорда облысында жаһандық бәсекелестік артықшылыққа ие 21 тауар бар. Оның ішінде 4 тауар бойынша әлемдегі экспорттаушы елдердің үздік бестігіне кіреді. Олар - тұз, күріш, балық және минералды заттарды битуммен араластыруға арналған машиналар (өңдеу өнеркәсібінде қолданылады). Бұл туралы облыс әкімінің баспасөз қызметі хабарлады.

 Бұл ретте, ұсақталған күріш экспорты бойынша облыс әлемде І орын алып, жаһандық бәсекелестік басымдыққа ие деп хабарлайды Қызылорда облысының ауыл шаруашылығы басқармасы.

"Жаһандық салыстырмалы артықшылыққа қол жеткізуде балық өнімдерінің экспортын қажетті деңгейге дейін ұлғайту зор мүмкіндік болып табылады. Бұл индекс елдің тауар экспортының халықтың жан басына шаққандағы орташа әлемдік көрсеткішке арақатынасын өлшейді», - деп атап өтті облыстық ауыл шаруашылығы басқармасының басшысы Бақыт Жаханов.

Басқарманың мәліметінше, соңғы бес жылда Қызылорда облысының агроөнеркәсіптік кешенінің қарқынды дамуы байқалуда.

Мәселен, негізгі капиталға салынған инвестициялардың нақты көлем индексі 27 есеге артты.

Аймақ экспортының шоғырлану деңгейін талдау соңғы бес жылда экспорттың әртараптандырылуын көрсетеді. Осылайша, экспортталатын ауыл шаруашылығы өнімдерінің түрлері 5 есеге өсті (3-тен 16 түрге дейін).

Өткен жылы экспортталған ауыл шаруашылығы өнімдерінің көлемі 34,5 млн.долларды құрап, 2013 жылмен салыстырғанда 1,5 есеге өсті.

Айта кетейік, өнімді өткізудің негізгі нарығы - Тәжікстан, Түркіменстан, Ресей, Украина, Моңғолия, Польша және Нидерланды.

Фотогалерея
Сауалнама
Қандай экологиялық мәселе сізді басқалардан гөрі қатты толғандырады?

 ауаның ластануы
 су қоймаларының ластануы
 ағаштардың кесілуі
 басқасы

 
Халықтық бақылау
Видеогалерея