Қызылорда қаласының әкімдігі
Сенім телефоны: 26-16-44
Бүгін: 23 тамыз 2019 жыл
KZ RU
Нашар көретіндерге арналған нұсқа
Басты бет

Енгізілді: 07.02.2019Қаралғаны: 204 рет
Қызылордада асық атудан жарыс өтті

Қызылордада асық ату мен бес асықтан жасөспірімдер мен ересектер арасында жарыс өтті, деп хабарлайды Kyzylorda-news.kz ақпараттық агенттігі.

Ұлттық ойын түрінен өткен жарысқа 60-қа жуық ойыншы қатысты. Жиылған жұрттың назарын аударып, ойын көркін қыздырғандардың қатары көп болды. Солардың бірі 55 жастағы Райхан Наукеев. Оның көздеп атқан сақасы діттеген жерге дөп тиіп, жарыста сұрмергеннің ептілігі ерекше байқалды.

«Бала кезде ойнап өскен ойынымыз. Ауыл ішінде өзімнің «мерген» деген атым болған. Осы аула ойынын қазір біз қала балаларының арасында көптеп енгізуіміз қажет. Қазіргі балалар компьютер ойындарына кіріп, еш қимылсыз, дене жаттығуынсыз отырады. Ал осы ойынды бір-бір жарым сағат далада таза ауда ойнаса, баланың миы да демалады, денесі де жаттығар еді», - дейді №235 мектептің дене шынықтыру пәнінің мұғалімі Райхан Наукеев.

Облыс көлемінде ұйымдастырылып жатқан бұл сайыстан жеңімпаз атанғандар республикалық деңгейде өтетін жарысқа жолдама алады.

Асық ойыны баланың жүйке жүйелерін жастайынан шыңдап, оларды дәлдікке, ұстамдылыққа тәрбиелейді. Баланы ептілікке баулитын бұл ойын түрін насихаттау бүгінде қолға алынуда. Ұлттық ойын түрінен өткен бұл сайыс аудандардан келген командалардың бір-бірінен тәжірибе алмасуына таптырмас мүмкіндік болды.

 

Фотогалерея
Сауалнама
Жастар жылында бірінші кезекте жастардың қандай мәселесі шешілуі керек?

 баспана мәселесі
 жұмыспен қамту
 жас отбасыларға қолдау көрсету

 
Халықтық бақылау
Видеогалерея