Ауылшаруашылығы мен ветеринария
Сенім телефоны: 26-16-44
Бүгін: 24 қазан 2019 жыл
KZ RU
Нашар көретіндерге арналған нұсқа
Басты бет » Қоғам

Ауылшаруашылығы мен ветеринария

Енгізілді: 18.01.2014Өзгертілді: 02.10.2019

Қызылорда қаласы ауылшаруашылығы жағдайы және ветеринария саласы туралы ақпарат.

Егін шаруашылығы бойынша

Ағымдағы жылы қала бойынша барлығы 8 416 гектар ауыл шаруашылығы дақылдары жиналады. Осыдан бүгінгі күнге 5985 гектары (72,0%) жиналды. Оның ішінде, картоптың 750 гектары (93,8%), көкөністің  992 гектары (100,0%) және бақша дақылдарының 769,0 гектары (100%), жаздық бидайдың 345 гектары, күздік бидайдың 40 гектары (100,0%) , арпаның 60 гектары (100,0%),  сұлының 5 гектары (100,0%)  және сүрлемдік жүгерінің 100 гектары (88%)  жиналды.

Негізгі дақыл - күріш жинау жұмыстары жалғасуда. 2019 жылғы 1 қазанға Қызылорда қаласы бойынша, күріш дақылының 2924 гектары (72,9%) орылып, 1966 гектары (49,0%) бастырылып, 9 594,1 тонна күріш салысы жиналды. Орташа өнім гектарына 48,8 центнерді құрап отыр.

Мал шаруашылығы бойынша

«Сыбаға» бағдарламасына сәйкес үстіміздегі жылы 275 бас аналық сиыр  сатып алу жоспарланып осыдан бүгінгі күні 105 бас сиыр сатып алып, жоспар 38,1 пайызға орындалып отыр. Қаржы институттарында 2 жоба 235 бас аналық сатып алуға  қаралуда.

 Осы бағдарлама аясында қала бойынша 5400 бас қой алу жоспарланып, 4538 бас қой сатып алынып, жоспар 84,0 пайызға  орындалды. Осы бағытта қосымша 5 жоба 2414 бас аналық мал сатып алуға қаржы институттарында қаралуда.

 Асыл тұқымды мал шаруашылығын дамытуға, мал шаруашылығының өнімділігін және өнім сапасын арттыруды субсидиялауға 2019 жылға жергілікті бюджеттен  47,0  млн.  тенге  қаржы төленді.

Техникалық инспекция саласы бойынша

Қызылорда қаласы әкімшілік аумағында жеке және заңды тұлғалар иелігінде барлығы 4583 дана түрлі ауыл шаруашылығы, мелиоративтік және жол-құрылысы мен арнайы техникалар тіркелген.

2019 жылдың III тоқсанында ауыл шаруашылығы, мелиоративтік және жол құрылысы техникаларын жүргізуге 96 адамға куәлік беріліп, жеке және заңды тұлғаларға жаңа үлгідегі 416 дана техникалық паспорттар мен 416 дана мемлекеттік белгілер берілді. 50 дана кепілдік келісім-шарты мен қосымша келісім-шарттарын тіркеу және кепілден босатулар рәсімделді.

ГРСТ бағдарламасы бойынша қолдағы бар техника 100% базаға ендірілді. Қазақстан Республикасының Заңдарымен, бекітілген мемлекеттік қызмет көрсету Ережесімен және белгіленген іс-жоспарға сәйкес жұмыстар атқарылуда.

 «Дипломмен ауылға» бағдарламасы  бойынша

2019 жылға тұрғын үй сатып алуға республикалық бюджеттен 52 маманға 196 950 000 теңге  (1 маманға 3 787 500 теңге) және көтерме жәрдемақыға 109 маманға 19 265 750 тенге (1 маманға 176 750 теңге) қаржы бөлінген.

Аталған қаржы толығымен игерілді.

Ветеринария саласының жағдайы туралы ақпарат

Қызылорда қалалық ветеринария бөлімі 2016 жылдан бастап Қызылорда қаласы, Жеңіс көшесі 31 үйдің 1-ші қабатынан 4 бөлмемен қамтылды.

Жалпы 2019 жылы ветеринария саласы бойынша аса қауіпті аурулар тіркеліп, төтенше жағдайлар орын алған жоқ.

Алдағы уақытта да тиісті жұмыстарды уақытылы атқарып, қала көлемінде эпизоотиялық тұрақтылықты сақтау шараларын өз деңгейінде жүргізуге жұмыстар жасалынатын болады.

Фотогалерея
Сауалнама
Жастар жылында бірінші кезекте жастардың қандай мәселесі шешілуі керек?

 баспана мәселесі
 жұмыспен қамту
 жас отбасыларға қолдау көрсету

 
Халықтық бақылау
Видеогалерея