Әлеуметтік қамтамасыз ету
Сенім телефоны: 26-16-44
Бүгін: 13 қараша 2018 жыл
KZ RU
Нашар көретіндерге арналған нұсқа
Басты бет » Халықты әлеуметтік қорғау

Әлеуметтік қамтамасыз ету

Енгізілді: 04.09.2014Өзгертілді: 03.10.2018

Әлеуметтік сала бойынша

 

Қала бойынша 2018 жылдың 1 қазанына аз қамтамасыз етілген азаматтарға  әлеуметтік көмектер төленді:

·  2572 отбасына (12101 адамына) 526 279,5мың теңгеге атаулы әлеуметтік көмек төленді.

· 2018 жылы жергілікті бюджет есебінен 218 691,6 мың теңге қаралып, 4044 отбасына      (13 731 адамына) 180 658,0 мың теңгеге тұрғын үй көмегі төленді;

· Жергілікті бюджеттің есебінен жекелеген санаттағы әлеуметтік қолдауды қажет ететін 3261 адамға  253 524,6 мың теңгеге әлеуметтік көмектер төленді.

2012 жылдан бастап «Сыр мейірімі» жобасы, үкіметтік емес мекемелердің мемлекеттік тапсырысы шеңберінде, бюджеттен қаржыландырылып келеді. Есепті кезеңге сапалы тамақтануды қажет ететін жалғыз басты қарттарға, мүгедектерге, өзін-өзі күте алмайтын науқас 225 адамға  ыстық тамақ ұйымдастырылды.

 

Мемлекеттік атаулы әлеуметтік көмек

Жан басына шаққандағы орташа табысы кедейлік шегінен аспайтын Қазақстан Республикасы азаматтарының, оралмандардың, босқындардың, шетелдіктердің және  Қазақстан Республикасында тұрақты тұратын азаматтығы жоқ адамдардың атаулы әлеуметтік көмек алуға құқығы бар. («Атаулы әлеуметтік көмек туралы» 2001 жылғы 17 шілдедегі № 246 ҚР Заңының 2 бабы.)

Қазақстан Республикасы бойынша кедейлік шегінің мөлшерін орталық атқарушы орган мемлекеттің экономикалық мүмкіндіктеріне қарай пайыздық мәнде орта есеппен халықтың жан басына шаққандағы ең төмен күнкөріс деңгейінің шамасы негізінде айқындайды.

Облыстар, республикалық маңызы бар қалалар, астана бойынша кедейлік шегін жергілікті атқарушы органдар тоқсан сайын есептеп шығарады.

Атаулы әлеуметтік көмек алуға үміткер адам немесе отбасы атаулы әлеуметтік көмек туралы ақпарат алу үшін тұрғылықты жері бойынша жұмыспен қамту орталығына, ал тұрғылықты жері бойынша Орталық болмаған жағдайда – кент, ауыл, ауылдық округ әкіміне жүгінеді.

Үміткер адам немесе отбасы жүгінуі процесінде оған консультация беріледі және консультация беру нәтижелері бойынша адам немесе отбасы (бұдан әрі – өтініш беруші) өз тарапынан немесе отбасының атынан мемлекеттік атаулы әлеуметтік көмек тағайындау және төлеу қағидаларына 1-қосымшаға сәйкес нысан бойынша атаулы әлеуметтік көмек тағайындауға өтінішпен жүгінеді.

Өтінішке мынадай құжаттар қоса беріледі:

1) жеке басты куәландыратын құжат

2) жеке қосалқы шаруашылығының бар-жоғы туралы мәліметтер;

3) банктік шот нөмірі туралы мәліметтер;

4) баланың (барлық балаларға) туу (қайтыс болу) туралы

5) неке қиюды (бұзуды) тіркеу туралы куәлік

6) егер он сегіз жастан жиырма үш жасқа дейін асырауындағылар орта, техникалық және кәсіптік ортадан кейінгі білім беру, жоғары оқу орындарында күндізгі оқу нысаны бойынша оқитын болып табылса, оқу орнының анықтамасы оқу орнынан жылына бір рет сұратылады.

Жұмыспен қамтуға жәрдемдесудің белсенді шараларына тартылатын еңбекке қабілетті отбасы мүшелері өтінішке қосымша:

«Жұмыс іздеп жүрген адамдарды тіркеу» Қазақстан Республикасы Денсаулық сақтау және әлеуметтік даму министірінің 2015 жылғы 28 сәуірдегі  № 279 бұйрығымен бекітілген мемлекеттік көрсетілтін қызмет стандартына 2-қосымшаға сәйкес нысан бойынша жұмыс іздеуші адам ретінде тіркелуге өтінішті;

еңбек қызметін растайтын құжатты (бар болса);

білімі, біліктілігі, арнайы білімінің немесе кәсіптік даярлығының болуы туралы құжатты (бар болса) ұсынады.

Он алты жасқа толмаған адамның атынан ата-анасының немесе оның заңды өкілдерінің біреуінің еңбек қызметін жүзеге асыруға келісімі туралы еркін нысанда жазылған өтініш ұсынылады.

Үшінші адамның атаулы әлеуметтік көмек тағайындауға өтінішті және қажетті құжаттарды беруі атаулы әлеуметтік көмек алуға құқығы бар адамның нотариат куәландырылған сенiмхаты бойынша жүргізіледі.

Өтініш беруші құжаттарды салыстырып тексеру үшін түпнұсқада ұсынады.

 

Тұрғын үй көмегі

Қазақстан Республикасының 1997 жылғы 16 сәуіріндегі № 94 «Тұрғын   үй    қатынастары   туралы» Заңына және Қазақстан    Республикасы Үкіметінің 2009 жылғы 30 желтоқсандағы № 2314 «Тұрғын үй көмегін көрсету ережесін бекіту    туралы» Қаулысы, Қызылорда қалалық мәслихатының  2017 жылдың 29 қарашасындағы №121-18/5 шешімімен бекітілген «Тұрғын үй көмегін көрсетудің тәртібі мен мөлшерін айқындау туралы» Ережесі және ҚР Ұлттық экономика министрінің 2015 жылғы 9 сәуіріндегі №319 бұйрығымен бекітілген  «Тұрғын үй көмегін тағайындау» мемлекеттік көрсетілетін қызмет стандартына сәйкес басшылыққа ала отырып Қызылорда қаласының аз қамтамасыз етілген азаматтарына бүгінгі күні  тұрғын үй көмегі есебінен электрмен жабдықтау, газбен жабдықтау, ауыз және кәріз суға, тұрғын үйді күтіп ұстауға жұмсалатын шығыстарын, жылумен жабдықтау,  қоқыс әкету, қатты отынға, телефонға абоненттік ақының өсуі бөлігінде байланыс қызметтерін тұтыну төлемі, тұрғын үйді пайдаланғаны үшін жалға алу ақысы және күрделі жөндеуге тағайындалып, төленуде.

Қызылорда қалалық мәслихатының  2017 жылдың 29 қарашасындағы №121-18/5 шешімімен бекітілген «Тұрғын үй көмегін көрсетудің тәртібі мен мөлшерін айқындау туралы» Ережесінің 4 тармағына сәйкес тұрғын үй көмегі өтініш берген айдан бастап ағымдағы тоқсанға тағайындалып, төленеді және құжаттарды қабылдау жұмыстарымен ҚР Ұлттық экономика министрінің 2015 жылғы 9 сәуіріндегі №319 бұйрығымен бекітілген  «Тұрғын үй көмегін тағайындау» мемлекеттік көрсетілетін қызмет стандартына сәйкес «Азаматтарға арналған үкімет» МК ҚАҚ филиалы Қызылорда облысы бойынша «Халыққа қызмет көрсету орталығы» департаментінің филиалдарына келесі құжаттарды тапсыруға болатындығын хабарлаймыз:

·  Өтініш;

·  өтiнiш берушiнiң жеке басын куәландыратын құжат;

·  тұрғын үйге құқық беретiн құжат;

·  отбасының кірісін растайтын құжаттар;

·  коммуналдық қызметтердi тұтынуға арналған шоттар;

· телекоммуникация қызметтерi үшiн түбiртек-шот немесе байланыс қызметтерiн көрсетуге арналған шарттың көшiрмесi.

Үйден оқытылып тәрбиеленетін мүгедек балаларға көрсетілетін материалдық көмек

Мүгедек балаларды жалпы немесе арнаулы мектепке дейінгі ұйымдарда және басқа оқу орындарында тәрбиелеу мен оқыту мүмкін болмаған жағдайда, оларды тәрбиелеу мен оқыту ата-анасының немесе заңды өкілдерінің тілегі ескеріле отырып, психологиялық-медициналық-педагогикалық консультациясының қорытындысының негізінде үйде жүргізіледі. («Қазақстан Республикасында мүгедектерді әлеуметтік қорғау туралы» ҚР 2005 жылғы 13 сәуірдегі  №39З аңының 29 бабы).

Әлеуметтiк көмек мүгедек балаларға басқа да әлеуметтiк көмек түрлерiн алатындығына және отбасының табысына қарамастан тағайындалады.

Әлеуметтік көмек 9 айлық есептік көрсеткіш мөлшерінде төленеді.

Өтініш берушілер тұрғылықты мекен-жайы бойынша әлеуметтiк көмектi тағайындау және төлеу жөнiндегi  «Азаматтарға арналған үкімет» мемлекеттік корпорациясы КЕ АҚ Қызылорда облысы бойынша филиалы- «Халыққа қызмет көрсету орталығы»-на  мынадай құжаттарды ұсынады:

1) белгiленген нысандағы өтiнiш;

2) баланың тууы туралы куәлігі;

3) медициналық - әлеуметтiк сараптаманың (МӘС) мүгедектігі туралы берген анықтамасы;

4) психологтық - медициналық - педагогикалық консультацияның (ПМПК) мүгедек баланы үйде оқыту қажеттiлігi туралы берген қорытындысы;

5) Жеке есеп шоты

6) Мекетептен анықтама

7) Мекен жай анықтамасы 

Үйде қызмет көрсететін ұйымның арнаулы әлеуметтік қызмет көрсету шарттары

Қызмет алушыларды оларға бюджет қаражаты есебінен арнаулы әлеуметтік қызмет көрсету үшін үйде қызмет көрсету ұйымына жіберуді қызмет алушының тұрғылықты жері бойынша қалалық жұмыспен қамту және әлеуметтік бағдарламалардың уәкілетті органы жүзеге асырады.

Мемлекеттік емес нысандары үйде қызмет көрсететін ұйым қызмет алушыларды қабылдауды шарт негізінде жүзеге асырады.

Қызмет алушыларды бюджет есебінен арнаулы әлеуметтік қызмет ұсынатын үйде қызмет көрсету ұйымына қабылдау мынадай құжаттардың негізінде:

1. қызмет алушының жазбаша өтініші, ал кәмелетке толмаған және іс-әрекетке қабілетсіз адамдар үшін – заңды өкілінің (ата-анасының біреуінің, қамқоршының, қорғаншының) өтініші (1-қосымша);

2. жергілікті атқарушы органның арнаулы әлеуметтік қызметтерді көрсету туралы шешімі;

3. уәкілетті органның жолдамасы (бюджет қаражаты есебінен арнаулы әлеуметтік қызмет көрсету кезінде)

4. баланың туу туралы куәлігінің немесе жеке куәлігінің көшірмесі;

5. азаматтарды тіркеу кітабының көшірмесі немесе тұрғылықты жерінен анықтама;

6. мүгедектігі туралы анықтаманың көшірмесі

7. медициналық карта (2-қосымша);

8. мүгедекті оңалтудың жеке бағдарламасынан үзінді көшірме.

Құжаттардың көшірмелері түпнұсқасымен бірге ұсынылады, салыстырып тексергеннен кейін түпнұсқа өтініш берушіге қайтарылады.

Жазбаша өтінішті және осы Стандартта көзделген басқа да құжаттарды қабылдағаннан кейін уәкілетті органның маманы бес жұмыс күні ішінде мүгедектің және қарт адамның тұратын жеріне барады және тұрғын үй және басқа да материалдық-тұрмыстық жағдайларды зерттеп-тексеру актісін (3-қосымша) жасайды.

Тұрғын үй және басқа  да материалдық-тұрмыстық жағдайларды зерттеп- тексеру актісі тексеру жүргізілгеннен кейін үш жұмыс күні ішінде жасалады.

Қызмет көрсетілетін қызмет алушыларды әлеуметтік жұмыс жөніндегі консультант тіркеу журналына (4-қосымша) тіркейді.

Арнаулы әлеуметтік қызметке мұқтаж және бір отбасында тұратын балалар, ТҚА бұзылған балалар, 18 жастан асқан адамдар жеке адам ретінде есептеледі.

Арнаулы әлеуметтік қызметке мұқтаж және бір отбасында тұратын мүгедектер мен қарттар бір адам ретінде есептеледі.

Арнаулы әлеуметтік қызмет көрсету кезінде қызмет алушының жасы мен денсаулығының жай-күйі, оңалтудың жеке бағдарламасының мақмұны, қозғалыс белсенділігінің төмендеу дәрежесі, тұру жағдайы және басқа да объективті факторлар ескеріледі.

 

Фотогалерея
Сауалнама
Қандай экологиялық мәселе сізді басқалардан гөрі қатты толғандырады?

 ауаның ластануы
 су қоймаларының ластануы
 ағаштардың кесілуі
 басқасы

 
Халықтық бақылау
Видеогалерея