Жұмысқа орналастыру
Сенім телефоны: 26-16-44
Бүгін: 29 наурыз 2017 жыл
KZ RU
Нашар көретіндерге арналған нұсқа
Басты бет » Халықты әлеуметтік қорғау

Жұмысқа орналастыру

Енгізілді: 04.09.2014Өзгертілді: 09.02.2017

Жұмысқа орналастыру (жұмыссыздық, бос жұмыс орындары) 

Халықты жұмыспен қамту саласы бойынша

Облыстық статистика департаментінің мәліметі бойынша Қызылорда қаласында 2017 жылдың 1-ші қантарына экономикалық белсенді халық саны 122,8 мың адам, жұмыссыздық деңгейі – 4,7 пайыз (4,8 пайыз–01.01.2016 жыл).

Қалада 3780 жаңа жұмыс орындары ашылуы жоспарланған болса, 2016 жылы 4331  жаңа жұмыс орны ашылды.

Жұмыспен қамту және әлеуметтік бағдарламалар  бөліміне хабарласқан азаматтардың саны – 14456, оның ішінде жұмыссыз азаматтар - 12625. 2017 жылдың 1 қантарына тіркелген жұмыссыздардың  жалпы саны – 1266, яғни тіркелген жұмыссыздық  деңгейі- 1,0 пайызды құрады

Жұмысқа орналастыру  Қала бойынша 2016 жылы 4200 адамды  жұмысқа орналастыру көзделген болса, тұрақты жұмысқа орналасқаны - 5890  жұмыссыз, оның ішінде: мүгедектер – 107, жастар (16-29 жас аралығында) - 1523.

Жұмысқа тартудың белсенді түрлерінің бірі - қалада  ай сайын бос жұмыс орындары жәрмеңкесін өткізу арқылы жұмыссыздарға жұмыс берушілермен кездесуге мүмкіндік береді. Ағымдағы жылы 12 рет «Бос жұмыс орындары» жәрмеңкесі ұйымдастырылып, 271 жұмыс беруші  2258  бос жұмыс орындарын ұсынды. Нәтижесінде жұмысқа жолдама алғаны - 1636 адам, оның ішінде тұрақты жұмысқа орналасқаны – 1307, қайта даярлау курстарына – 83, қоғамдық жұмысқа – 46,  кеңес алғандары - 2359.

Қоғамдық жұмыстар 2016 жылы 1920 адамға 160527,0 мың теңге қаралып, оған 2017 жылдың 1 қантарына 2221 адам қоғамдық жұмысқа тартылып, 160223,9 мың теңгесі игерілді.

Жұмыссыздарды кәсіби мамандыққа оқыту және қайта даярлау еңбек нарығының сұранысына, сонымен қатар қаланың индустриалды инновациялық дамуына сәйкес жүргізіледі. 450 жұмыссыздарды кәсіби оқытуға – 5142,0 мың теңге қаралды. 16 еңбек нарығына қажетті мамандықтар түрі бойынша жұмыссыздардың іріктеп тізімі жасалып, 2016 жылы 458 жұмыссыз оқуға  жолданып, 3506,6 мың теңгесі игерілді..

Әлеуметтік жұмыс орындарына  жергілікті бюджеттен 37 адамға 1690,0 мың  теңге қаралып, 2016 жылы  50 адам қамтылып, 1624,6  мың теңге төленді. 

Жұмыссыздарды тіркеу

Халықты жұмыспен қамту орталығы өтiнiш бiлдiрген күннен бастап он жұмыс күнi iшiнде лайықты жұмыс таңдалмаған жұмыс iздеп жүрген жұмыссыз адамды жұмыссыз ретiнде тiркеу туралы шешiм қабылдайды.

Жұмыс iздеп жүрген адамды жұмыссыз ретiнде тiркеу мемлекеттiк органдардың және (немесе) ұйымдардың ақпараттық жүйелерi арқылы оның деректерiн тексергеннен кейiн жұмысқа орналастырудың жеке картасына алынған мәлiметтердi енгiзе отырып жүзеге асырылады.

Халықты жұмыспен қамту орталығы өтiнiш жасалған күннен бастап күнтiзбелiк он күн өткенде жұмыс iздеп жүрген адамды жұмыссыз ретiнде тiркеу күнi және есепке қою туралы немесе тiркеуден бас тарту туралы хабардар етедi.

Халықты жұмыспен қамту орталығында тiркелген жұмыссыздар – он жұмыс күнi iшiнде кемiнде бiр рет халықты жұмыспен қамту орталығында, ал ауылдық елдi мекендерде тұратын жұмыссыздар айына кемiнде бiр рет кент, ауыл, ауылдық округ әкiмiнде белгiленiп тұруға тиiс.

Жұмыссыздарды есептен шығару

1. Халықты жұмыспен қамту орталығы жұмыссызды мынадай жағдайларда:

1) лайықты жұмыстың ұсынылған екi түрiнен бас тартқанда;

2) дәлелсiз себептермен:

халықты жұмыспен қамту орталығы жолдама берген күннен бастап бес жұмыс күнi iшiнде ұсынылған жұмысқа орналасу орнына немесе оқу орнына келмегенде;

шақыру бойынша халықты жұмыспен қамтуға жәрдемдесудiң белсендi шараларына қатысу үшiн үш жұмыс күнi iшiнде халықты жұмыспен қамту орталығына келмегенде;

халықты жұмыспен қамту орталығының жолдамасы бойынша халықты жұмыспен қамтуға жәрдемдесудiң белсендi шараларына қатысуды өз бетiнше тоқтатқанда;

3) жұмыссыз осы Заңда көзделген халықты жұмыспен қамту орталығына келiп тұру мерзiмдерiн дәлелсiз себептермен бұзғанда;

4) жұмыссыз бас бостандығынан айыру түрiндегi жазамен сотталғанда не заңды күшiне енген сот шешiмi бойынша мәжбүрлеп емдеуге жiберiлгенде;     

5) көрiнеу жалған немесе қолдан жасалған құжаттар бергенде есептен шығарады.

2. Есептен шығарылған жұмыссыздар есептен шыққан күнiнен бастап күнтiзбелiк отыз күн өткен соң ғана халықты жұмыспен қамту орталығында жұмыс iздеушi адам ретiнде қайтадан тiркеле алады.

Әлеуметтік жұмыс орны

Жұмыс берушi әлеуметтiк жұмыс орындарын құрады, оларды құру кезiнде тұрақты жұмыс орындарына арналған бос орындар пайдаланылмайды және олар ауыр жұмыстарда, зиянды және (немесе) қауiптi еңбек жағдайлары бар жұмыстарда құрылмайды.

Әлеуметтiк жұмыс орындары жұмыссыздар үшiн арнайы құрылады, олардың  арасында:

балалар ауылының тәрбиеленушiлерi және балалар үйлерiнiң түлектерi, жетiм балалар мен ата-анасының қамқорлығынсыз қалған он алты жастан жиырма үш жасқа дейiнгi балаларға арналған мектеп-интернаттардың

зейнеткерлiк жас алдындағы (зейнеткерлiкке шығуға екi жыл қалған) адамдар;

мүгедектер;

бас бостандығынан айыру орындарынан босатылған және (немесе) мәжбүрлеп емдеуден өткен адамдар;

пробация қызметiнiң есебiнде тұрған адамдар;

кәмелетке толмаған балаларды тәрбиелеп отырған жалғызiлiктi, көпбалалы ата-аналар;

жетi жасқа дейiнгi баланы, мүгедек баланы, бiрiншi және екiншi топтағы мүгедектердi бағып-күтудi жүзеге асыратын адамдар;

оралмандар;

терроризм актiсiнiң нәтижесiнде зардап шеккен адамдар және оның жолын кесуге қатысқан адамдар басым құқыққа ие болады;

Халықты жұмыспен қамту орталығы мен арнайы жұмыс орындарын құратын жұмыс берушi және әлеуметтiк жұмыс орындарына жiберiлетiн жұмыссыз арасында әлеуметтiк келiсiмшарт жасалады.
Әлеуметтiк келiсiмшарт тараптардың құқықтары мен мiндеттерiн, еңбекақы мөлшерiн және оны төлеу шарттарын, әлеуметтiк жұмыс орындарын қаржыландыру мерзiмдерi мен көздерiн қамтуға тиiс.

Әлеуметтiк жұмыс орындарындағы еңбек қызметiн дәлелсiз себептермен өз бетiнше тоқтатқан жұмыссыздар жұмыссыздар ретiнде есептен шығарылады және халықты жұмыспен қамту орталығына қайтадан тiркелген күннен бастап үш ай өткеннен кейiн ғана жұмыспен қамтуға жәрдемдесудiң белсендi шараларына қайта қатысуы мүмкiн.

Қоғамдық жұмыстар

Қоғамдық жұмыстарды халықты жұмыспен қамту орталықтары ұйымдарда ұйымдастырады және бюджет қаражаты шегiнде және жұмыс берушiлердiң тапсырыстары бойынша олардың қаражаты есебiнен қаржыландырылады.

Қоғамдық жұмыстарға қатысуға:

жұмыссыздардың

жазғы демалыс кезеңiнде студенттердiң және жалпы бiлiм беретiн мектептердiң жоғары сынып оқушыларының

тоқтап тұруға байланысты жұмыспен қамтамасыз етiлмеген адамдардың құқығы бар.

Қоғамдық жұмыстарға қатысуға:

жұмысынан айырылған жағдайда төленетiн әлеуметтiк төлемдердi алмайтын жұмыссыздар;

халықты жұмыспен қамту орталығында алты айдан астам есепте тұрған жұмыссыздар басым құқықты пайдаланады.

Адамдардың қоғамдық жұмыстарға қатысуы, олардың халықты жұмыспен қамту орталығында тiркелген күнiне сәйкес кезектiлiк тәртiбiнде олардың келiсiмiмен жүзеге асырылады.

Қоғамдық жұмыстарға қатысқысы келетiн адамдармен әлеуметтiк келiсiмшарт жасалады.

Қоғамдық жұмыстарға қатысуды дәлелсiз себептермен өз бетiнше тоқтатқан жұмыссыздар, олардың есебiнен шығарылады және халықты жұмыспен қамту орталығында қайта тiркелген күннен бастап үш ай өткеннен кейiн ғана қоғамдық жұмыстарға қайта жiберiлуi мүмкiн.

2017 жылдың 1 қантар айына бос жұмыс орындарының тізімі  

Мекеменің атауы

Бос жұмыс орындары

Саны

Мекен-жайы,

телефондары

1

«Kuanysh-lingvo» оқу орталығы

Оқытушы бастауыш (ағылшын тілі)

1

1

А.Тоқмағанбетов, 66

 Моб 87759841032

2

"ЗК-169/1" мекемесі

 

 

 

 

 

Терапевт- дәрігер,

Тіс- дәрігері,

Дәрігер-психиатр,

Дәрігер – провизор

 

1

1

1

1

 

 

Төле би көшесі №136                     тел 27-76-43

 27-41-94, 23-48-29

 

3

«Автобус паркі» ЖШС

 

Жүргізуші еңбек өтілі 5 жыл А,В,С,Д санаты

 

5

 

 

 

 

Ақмаржан ма Ақмаржан

көшесі №10/48

тел  24-41-62

4

«Қызылорда су жүйесі»  МКК

Инспектор бақылаушы

Слесарь

Линиялық электригі

Газоэлектрдәнекерлеуші

3

5

3

1

111

Желтоқсан көшесі, №156

тел 23-00-42

Фотогалерея
Сауалнама
Коммуналдық қызмет жұмысы сапасын қалай бағалайсыз?

 жақсы
 қанағаттанарлық
 жаман

 
Халықтық бақылау
Видеогалерея
FOR PLAYER