Білім
Сенім телефоны: 26-16-44
Бүгін: 25 қыркүйек 2018 жыл
KZ RU
Нашар көретіндерге арналған нұсқа
Басты бет » Қоғам

Білім

Енгізілді: 18.01.2014Өзгертілді: 02.07.2018

Қалалық білім бөліміне қарасты 54 жалпы білім беретін мектептерде 2017-2018 оқу жылында 55002 оқушы білім алуда. Мектептердің ішінде 3 мектеп-гимназия  (№№1, 9, 212), 1 «Мұрагер»  дарынды балаларға арналған мектебі, 9 мектеп-лицей (№3, 5, 10, 11, 15, 23, 101, 136, 264), 41 жалпы білім беретін мектептер (3 негізгі,  38 орта мектеп) болса, сонымен бірге 1 кешкі мектеп жұмыс жасайды.

Жаңа оқу жылында 54 мектепте 55002 оқушы 2 212 сынып комплектісінде білім алуда, бұл өткен оқу жылымен салыстырғанда 112 сынып- комплектісіне /3474 бала/ артты.

Биылғы 2017-2018 жаңа оқу жылынан бастап 2,5,7 сыныптар жаңартылған білім беру мазмұнына көшіріліп, аталған сынып оқушылары толық қажетті бірыңғай базалық оқулықтармен қамтамасыз етіліп, 5 күндік оқу аптасына ауыстырылды. Осының есебінен оқушылар мен мұғалімдерге қосымша 34 сенбі есебінен демалыс күндері берілді.

2019 жылдан бастап жоғары сыныптарда жаратылыстану-математика бағытындағы жекелеген пәндер ағылшын тілінде оқытылуына байланысты 10-11 сыныптардың мұғалімдерін ағылшын тілінде оқытуға дайындық курстары кезең-кезеңімен жүргізіліп келеді.  

Біліктілікті арттыру  курстары

    2012 – 2017 жылдар аралығында «Назарбаев зияткерлік мектебі» мен Кембридж университетінің бірлесіп жасаған бағдарламасы бойынша қалалық білім бөліміне қарасты мектептерден барлығы 961  мұғалім және 49 мектеп директоры мен орынбасары біліктілік арттыру курсынан өтіп қазіргі кезде жаңа технологиямен жұмыс жасауда.

Жаңартылған білім мазмұны бағдарламасы бойынша        2017 жылы барлығы - 1432 мұғалім біліктілік арттыру курстарынан өткізілсе, жаратылыстану пәндерін (физика, информатика, биология және химия пәндері) үштілде оқытуды іске асыру шеңберінде 2017 жылы барлығы – 254 мұғалім курстан өтті. 

Мектепке дейінгі білім беру

Бүгінгі күні қала бойынша мектепке дейінгі білім беру ұйымдарының саны - 245. Оның ішінде мемлекеттік балабақша саны-26, мектеп жанынан ашылған және жеке шағын орталық-14, жеке балабақша-206(1-і жабылды). Барлығы 20685 бала қамтылып, барлық 3 пен 6 жас аралығындағы баланың қамтылуы (20685) 100 пайызды  құрады.

Осындай жұмыстардың арқасында балалардың балабақшаға бару көрсеткіші бойынша республикада алдыңғы қатарға шығып отырмыз.

Ендігі кезекте 1-3 жас аралығындағы балаларды мектепке дейінгі мекемелермен қамту көрсеткішін арттыру жұмыстары қолға алынуда. Осы бағытта бірінші ретте жұмыс жасап жатқан мемлекеттік және жекеменшік мектепке дейінгі мекемелерден сәбилер топтарын  ашуға байланысты мүмкіндіктер қарастырылуда.

Қосымша білім беру

Қалалық білім бөліміне қарасты 5 қосымша білім беру ошақтарында 2647 бала түрлі үйірмелермен қамтылған (қалалық қосымша білім беру оқу- әдістемелік орталығы, Тасбөгет кентіндегі оқушылар мен жасөспірімдер үйі, «Өнер» мектебі, №№264 және 267 мектептер жанындағы қосымша білім беру орталықтары).

Атап айтқанда, «Қосымша білім беру оқу-әдістемелік орталығында» 46 үйірмеге 1300 оқушы, Тасбөгет кентіндегі «Оқушылар мен жасөспірімдер үйінде» 17 үйірмеге 450 оқушы, «Өнер мектебінде» 10 үйірмеге 467 оқушы, №264 мектеп-лицей жанындағы қосымша білім беру орталығында 5 үйірмеге 300 оқушы, №267 орта мектеп жанындағы қосымша білім беру орталығында 5 үйірмеге 130 оқушы қамтылуда.

        (үйден оқыту, инклюзив)

        Бүгінгі күні бүкіл  әлемнің  назарын аударып отырған мәселенің бірі инклюзивті білім беру.

        Инклюзивті тәрбиелеу – ерекше мұқтаждықтары бар балалардың мектепке дейінгі ұйымдарда  тәрбиелеу және оқыту  үрдісін сипаттауда қолданылады. Даму мүмкіндігі шектеулі балалардың жалпы білім беру бағдарламаларына сәйкес білім алуларын қамтамасыз ету мақсатында  №264 мектеп-лицейінде инклюзивті топ жұмыс жасап келеді.

        Қазіргі таңда №5 балабақшада көзі нашар көретін  балаларға арналған 1 топ, №50 балабақшада тіл мүкістігі бар балаларға арналған 1 топ, «Сыр жұлдызы» балабақшасында  құлағы нашар еститін балаларға арналған топтар жұмыс жасайды. Сондай-ақ «Шағбан» жеке меншік мүмкіндігі шектеулі балаларға арналған мектепке дейінгі мекемеде 175 бала тәрбиеленуде.

       Сонымен қатар, биылғы оқу жылында Қызылорда қаласына қарасты мектептерде 495 мүмкіндігі шектеулі балаларғапсихологиялық-медициналық-педагогикалық консультациялардың (ПМПК) қорытындысы негізінде үйден оқытылуда.

       (ыстық тамақ, оқушылар тасымалы)

Мектеп қабырғасында балаларды ыстық тамақпен қамту олардың денсаулығын нығайтуға және тиімді білім алуына үлкен әсер береді. Оқушыларды ыстық тамақпен қамтамасыз етудің дұрыс ұйымдастырылуы өскелең ұрпақ, балаларымыздың арасында  аурушаңдықтың алдын алуына, жан-жақты физикалық және рухани дамуын қалыптастырады. 

2017-2018 оқу жылында 54 жалпы білім беретін мектептердің барлығында (100 %) асхана жұмыс жасайды. 5 мектептің асханасы (№№112,120,128,175,197) ыңғайластырылған орындарда  орналастырылған.   Тегін ыстық тамақпен қамтамасыз ету қалалық білім бөліміне қарасты барлық 54 (100 %) жалпы білім беретін мектептерде аз қамтамасыз етілген отбасыларынан 5890 балаға ұйымдастырылуда (күнделікті әр бала 250 теңгеге тамақтанады).

2017-2018 оқу жылында Қызылорда қаласына қарасты мектебі жоқ елді мекендерден 602 бала тасымалдануда.

Атап айтсақ, №176 орта мектепке «Саябақ», «Сабалақ» саяжайларынан, ПМПК-66 елді мекенінен – 160 оқушы; №172 орта мектепке  «Сабалақ» елді мекенінен - 6 оқушы; №215 орта мектепке «Қубас», «Төрттам», «Тоғай» елді мекендерден - 41 оқушы; №264 мектеп-лицейге «Сабалақ», «Эдельвейс» саяжайларынан - 291 оқушы; №39 орта мектепке «Арғын» елді мекеннен - 45 оқушы; №138 орта мектепке «Сиыр фермасынан» - 47 оқушы; №178 орта мектепке «Геолог» саяжайынан - 9 оқушы.

№264 мектеп-лицей мен №176 орта мектепке оқушылар тасымалы автобус және газель көліктерімен, № 172, 39, 138, 215, 178, 138 орта мектептерге «Газель» көлігімен тасымалдануда.

«Бірқазан», «Сегізжүзбас» ауылдарынан 34 бала №189 мектеп-интернатында орналасқан.

(Қорытынды мемлекеттік атестаттау, ҰБТ-2017 )

Білім саласының негізгі көрсеткішінің бірі Ұлттық бірыңғай тестілеу. Қызылорда қаласы бойынша 2016-2017 оқу жылында жалпы білім беретін 50 мектепті 1739 оқушы бітіріп, Оның 1387-сі Ұлттық бірыңғай тестілеуге қатысты. Қатысу пайызы 79,8 пайызды құрап, 2015-2016 оқу жылына қарағанда қатысу пайызы 4,5 %-ға жоғары болды.

Қызылорда қаласы бойынша ҰБТ қорытындысымен жалпы орташа балл – 80,56 құрады.

Қызылорда қаласы бойынша ең жоғарғы 132 балды №1 мектеп-гимназия бітірушісі Байдулла Аяулым Мейірханқызы жинады.

Қызылорда қаласы бойынша 100 балдан жоғары жинағандар саны – 244(14,03%) болса, жоғарғы оқу орнына түсу үшін төменгі    50 балдан кем жинаған талапкерлер саны – 71(5,3%) құрады.

         2016-2017 оқу жылының қорытындысымен 107 оқушы «Алтын белгі» иегері атанса, 102 оқушыға «Үздік аттестат» табысталды. 

2017 жылғы бюджет

2013 жылы қаламыздың білім саласының жалпы бюджеті 9 млрд. теңгені құраса, облыс және қала басшылығының тікелей қолдауымен 2017 жылы білім саласына бөлінген қаржы 18,2  млрд. теңгені құрап, 2 есеге асып отыр.

Биылғы жылы білім бөліміне қарасты мектептер ғимараттарына ағымдағы жөндеу жұмыстарын жүргізуге 18 млн 273 мың теңге, жылу жүйелеріне жөндеу жұмыстарын жүргізуге 26 млн 678 мың теңге, есік-терезелер ауыстыруға 8 млн 71 мың теңге жергілікті бюджеттен бөлініп, қазіргі таңда жұмыстар толығымен аяқталды. Мектеп шатырларын сұйықтықпен  өңдеуге 9 млн 121 мың теңге, өрт-дабыл қондырғыларына техникалық күтім жасауға 7 млн 435 мың теңге, бейнебақылау қондырғыларына техникалық қызмет көрсетуге  9 млн 720 мың теңге бөлінді.

Әлеуметтік аз қамтылған отбасы балаларын киім-кешекпен қамтуға 96 млн 207 мың теңге, ыстық тамақпен қамтамасыз етуге 235 млн 170 мың теңге, мектеп жанындағы күндізгі тынығу лагерінде оқушыларды демалдыруға 7 млн 359 мың теңге қаржы бөлініп тиісті жұмыстар атқарылды.

          Жаңақорған ауданында орналасқан «Талды су» облыстық олимпиадалар орталығында мектеп бітірушілермен ұлттық бірыңғай тестілеуге дайындық жұмыстарын жүргізуге және сынама тест кітапшаларын алуға үшін 14624,0 мың теңге бөлінді.

          Республикалық трансферт есебінен білім беру мекемелерінде білім беру жүйесін ақпараттандыру мақсатында қолжетімді жылдамдығы жоғары интернет жүйесімен толықтыруға 56 млн 841 мың теңге, 9 мектепке 45 компьютер жиынтығын сатып алуға 23 млн 167 мың теңге қаржы бөлініп, алынып берілді.

         Сонымен қатар, инновациялық мектептерді 10 физика кабинетімен жарақтандыруға 40 млн 970 мың теңге, орындығымен оқушы партасын сатып алуға 30 млн 226 мың теңге, мектеп оқушылары үшін 237 жиынтық компьютер сатып алуға 36 млн 514 мың теңге бөлініп, мемлекеттік сатып алу конкурсы қорытындысымен толық қамтамасыз етілді.

            (оқулықпен қамтамасыз ету)

            2017 - 2018 оқу жылында жаңартылған білім беру мазмұнына көшетін 2, 5, 7 сыныптардың оқулықтары мен оқу – әдістемелік кешендері жаңартылады. Білім беру ұйымдарын оқулықтармен қамтамасыз ету үшін жергілікті бюджеттен 252 771 000 теңге, облыстық бюджеттен 118 528 500 теңге, барлығы 371 299 500 теңге қаржы бөлініп, оның ішінде оқулықтар сатып алуға 369 799 500 теңге, оқулықтарды  тасымалдауға 1 500 000  теңге  қаржы  жоспарланған. Жаңартылған білім беру мазмұнына көшетін 2, 5, 7 сыныптың оқулықтарына тапсырыс беріліп, баспалармен келісімшарт жұмыстары жүргізіліп, оқулықтар мен оқу – әдістемелік кешендер мектептерге толығымен  жеткізіліп 100% оқушыларға толық таратылып берілді.         

Фотогалерея
Сауалнама
Қандай экологиялық мәселе сізді басқалардан гөрі қатты толғандырады?

 ауаның ластануы
 су қоймаларының ластануы
 ағаштардың кесілуі
 басқасы

 
Халықтық бақылау
Видеогалерея